****تـــــــــــعذبنا***

تعذبنا كتبنا من قصايد
وغيري ماتعذب في هواها

اشوف الحب كذبة يالسنايد
كفايه يالغضي روحي شقاها

اعزي القلب واعلن له حدايد
ومثلي صابرن يلقى عناها

انا في دنيتي شفت الشدايد
وذقت المر من صافي حلاها

عجائب يازمن والحزن سايد
طويت العشق في صفحة غلاها

سهرت الليل وانشدت النشايد
شكيت الدمع من كثرة جفاها

زرعت الطيب واجنيت الفوايد
لقيت الطيب يشكي من قساها

انا ماشي على حسب العوايد
اعرف الناس واقدر وفاها

وانا اللي ميتن بـ ام القلايد
وانا اللي طول عمره مانساها